» » “Эрчим хүчний шилдэг инженерүүд” өдөрлөг боллоо

“Эрчим хүчний шилдэг инженерүүд” өдөрлөг боллоо

2018 оны 01 сарын 29,    2824

Монголын эрчим хүчний инженерүүдийн холбооноос "Эрчим хүчний шилдэг инженерүүд” өдөрлөгийг зохион байгууллаа.

 “Эрчим хүчний шилдэг инженерүүд” өдөрлөг боллоо

Өдөрлөгийн үеэр 2017 онд манлайлж ажилласан инженерүүдэд "Монгол Улсын шилдэг инженер” батламж, үнэмлэх гардуулсан юм. Өдөрлөгт Эрчим хүчний сайдын зөвлөх Н.Мягмарсүрэн, Эрчим хүчний зохицуулах хорооны дарга А.Тлейхан, Монголын эрчим хүчний инженерүүдийн холбооны гишүүд, инженерүүд оролцсон юм.

 

“Эрчим хүчний шилдэг инженерүүд” өдөрлөг боллоо

Эрчим хүчний сайдын зөвлөх Н.Мягмарсүрэн "Инженерүүдийн эрдэм мэдлэг, хичээл зүтгэлийн хүчинд эрчим хүчний байгууллагын үйл ажиллагаа өргөжин тэлж байдаг. Энэ ч утгаараа манай инженерүүдийн хүчин чармайлтын үр дүнд Дулааны 3,4 дүгээр цахилгаан станцын өргөтгөл, Ухаа худаг, Өмнөговь аймаг дахь цахилгаан станц зэргийг барьж байгуулсан. Цаашдаа эрчим хүчний салбарын хөгжлийн бодлогыг тодорхойлох, төсөв, мөнгөний хэрэглээг багасгах , эх үүсвэрүүдийн хүчин чадлыг өртгөтгөх, шинээр барих, байгаль орчинд ээлтэй технологи нэвтрүүлэх зэрэгт Монголын эрчим хүчний инженерүүдийн холбоо, өдөрлөгт ирсэн чадварлаг инженерүүдийн санал санаачилга юу юунаас чухал юм” хэмээн онцолсон.

“Эрчим хүчний шилдэг инженерүүд” өдөрлөг боллоо

Эрчим хүчний зохицуулах хорооны дарга А.Тлейхан "Монгол Улсын үндэсний аюулгүй байдал, хөгжил дэвшлийн баталгаа болсон Эрчим хүчний салбар 11 мянга гаруй ажилчидтай. Үүнээс гурван мянга гаруй нь "Монголын эрчим хүчний инженерүүдийн холбоо”-ны мэргэжлийн инженерүүд байдаг. Салбартаа олон жил үр бүтээлтэй ажилласан, авьяаслаг, чадварлаг, мэргэжилдээ эзэн болсон шилдэг инженерүүдийг жил бүр шалгаруулдаг уламжлалтай. Энэ удаад 18 шилдэг инженер тодорч батламжаа гардаж авч байна. Энэ онд инженерүүдийнхээ бүтээлийг нэмэх зорилгоор эрчим хүчний бүтээлч инженер, эрчим хүчний хэмнэлтийн шилдэг төсөл, эрэм шинжилгээний өгүүлэл, нийтлэлийн уралдаан зарлах болно. Мөн эрчим хүчний салбарыг 2018 онд "Хэмнэлт, үр ашгийн жил” болгон зарлаж байгаа. Эрчим хүчний сайдын тушаал ч гарсан. Эрчим хүчний салбарын хэмнэлт үр өгөөжийг дээшлүүлэх ажилд инженерүүдийн хүчин чармайлт чухал” гэлээ.

 

“Эрчим хүчний шилдэг инженерүүд” өдөрлөг боллоо

Монголын Эрчим хүчний инженерүүдийн холбоо нь инженерүүдийн хүсэл эрмэлзлэлийг эрхэм болгож, тэдний эрх ашгийг хамгаалах, эрчим хүчний салбарыг хөгжүүлэхэд өөрсдийн хувь нэмрийг оруулах зорилготойгоор 1998 онд байгуулагджээ.

 

“Эрчим хүчний шилдэг инженерүүд” өдөрлөг боллоо

Тус холбоо нь одоогоор гишүүдийнхээ өмнө тулгарч буй асуудлыг шийдэх, төрийн болон салбар яамны бодлогот инженерүүдийн санал санаачлагыг тусгах, гадаад харилцаагаа өргөжүүлэх зэрэгт анхаарал хандуулан ажиллахаар зорьж байгаа юм байна. Мөн инженерүүдийн хөгжилд анхаарч бүтээлч ажил, уралдаан тэмцээнийг шат дараатайгаар зохион байгуулахаар төлөвлөжээ.