Мэргэжлийн хяналтын ерөнхий газраас 416 байцаагчийг хамруулсан мэргэжлийн хяналтын улсын байцаагчдыг мэргэшүүлэх сургалтыг аравдугаар сарын 28, 29-ны өдрүүдэд зохион байгууллаа. Энэхүү сургалтад Эрчим хүчний зохицуулах хороо,  “ДЦС-2”, “ДЦС-3”, “ДЦС-4”, “ЦДҮС”, “УБЦТС”, “УБДС” ТӨХК-иудын эрчим хүчний хяналтын улсын байцаагчид хамрагдлаа. Сургалт танхим болон цахимаар явагдсан бөгөөд эрчим хүчний салбарт ажиллаж байгаа байцаагчид Эрчим хүчний зохицуулах хорооны хурлын заалнаас сургалтад цахимаар оролцсон юм. Энэ удаагийн сургалтын хөтөлбөрийг боловсруулахдаа  мэргэжлийн хяналтын улсын байцаагчдын өдөр тутмын хяналтын үйл ажиллагаандаа баримтлах ёс зүйн болон мэргэжлийн зарчмууд, холбогдох  хууль эрх зүйн  үйлчлэл, хэрэглээ,  шийдвэр гаргалтад нөлөөлөх сэтгэл зүйн байдал, ажлын байр, нийгэм, орчноос хамаарсан стрессийг даван туулах арга зам зэрэг өргөн хүрээг хамруулснаараа онцлогтой байлаа.